Utangulizi
Biashara ya pizza ni biashara nzuri sana ambayo faida yake ni kubwa na haina mambo mengi sana kwenye uendeshaji
Pizza ni chakula rahisi sana kwenye uandaaji wake na hata haihitaji mambo mengi sana kutengeneza
Biashara hii inahitaji mtaji mdogo tu kuanza au hata mkubwa kwa anaetaka kufanya kwa ukubwa zaidi na thamani zaidi.
Biashara ya pizza kama ilivyo biashara ya burger, watanzania wengi sana huona kama ni chakula cha anasa sana,
Wengi huogopa mno na hata kuweka imani kuwa pizza huliwa na wenye pesa pekee na sio kwa walala hoi!
Hii imetokana na imani tu au hata wafanya biashara waliopo wa pizza kuuza kwa bei kubwa kuliko uhalisia ulivyo.
Pizza inaweza kutengenezwa na mtu yoyote hata nyumbani bila ulazima wa vifaa vyovyote vikubwa zaidi ya oven tu.
Pizza haina ugumu kabisa katika uandaaji wala upatikanikaji wa malighafi zake za kupikia na hazina bei kubwa
Vile vile haina ulazima wa kuwa na ujuzi mkubwa sana kutengeneza pizza kwani ni rahisi sana pengine kuliko chapati.
Aina Za Pizza
Kuna aina mbali mbali za pizza kulingana na mapenzi ya mlaji au muandaaji na aina zote hazina ugumu kabisa
Pizza ni ile ile utoauti upo katika vikorombwezo vya juu tu kwa maana kuwa mkate wake wa chini haubadiliki.
- Pizza za nyama ya kuku
- Pizza za nyama ya kawaida
- Pizza za sausage
- Pizza za mayai
- Pizza za zaituni NK
Kimsingi kitu chochote kile kinawezwa wekwa kama mapambio ya juu ya pizza na kutoa ladha nzuri
Wengine huamua kuchanganya vitu vyote kwenye pizza moja na wengine hutofautisha.
Uchawi Wa Pizza
Maana mzima ya pizza ipo kwenye mkate wake tu, vitu vingine vyote ni vya kawaida sana japokuwa pia hupaswa kuandaliwa vyema,
Kwenye burger maana yake nzima ni nyama, ila pizza mkate ndio kiini cha pizza yenyewe!.
Soma hapa kujua zaidi kuhusu biashara ya burger.
Mkate wa pizza hutengenezwa kwa vitu kama:
- Ngano
- Chumvi kidogo
- Sukari kidogo
- Hamira
- Baking poda (sio lazima)
- Maji
- Mfuta ya kula
- Maziwa ya unga kidogo
Sio mkate mgumu sana, pia hauna tofauti kubwa na ule wa chapati za kawaida japokuwa huu huwa laini zaidi.
Mkate wa pizza ukiwa mzuri basi pizza nzima huwa nzuri na tamu sana maana vitu vya juu yake sio muhimu sana.
Kujua zaidi namna ya kuandaa pizza na mkate wake ni vyema kutumia youtube kujifunza bure kabisa.
Mahitaji Ya Biashara Ya Pizza
Biashara ya pizza pia huwa na mahitaji kulingana na uhitaji wa mfanya biashara au malengo yake yalivyo
Kwa sababu mahitaji hayawezi lingana kati ya mfanya biashara mkubwa na mdogo au hata matarajio na uwekezaji husika.
- Oven ya kuoka pizza
- Eneo la biashara (hata nyumbani)
- Ngano na mahitaji yote ya mkate wa pizza kama yalivyo orodheshwa hapo juu awali
- Nyama ya kuku au kawaida (na aina nyingine yoyote ya kupambia pizza)
- Jibin ya pizza ( sio lazima sana ila ni nzuri zaidi)
- Zaituni ya kupambia nyeusi au kijani ( sio lazima ila huongeza mvuto na ladha)
- Pizza sause au tomato paste (nyanya ya kopo)
- Kibao cha chapati kipana
- Msukumio wa chapati
- Sahani pana ya kuokea pizza
- Kisu cha kukatika pizza
- Vifungashio NK.
Kwenye biashara ya pizza kitu muhimu na msingi ni oven pekee, mengine yote hata vitu vya nyumbani huweza kutumika.
Biashara Ya Pizza Kwa Wasio Na Mtaji Mkubwa
Inawezekana kabisa kufanya biashara ya pizza hata bila mtaji mkubwa sana kutokana na ukweli kuwa mahitaji yake hayana gharama,
Kama una oven nyumbani au unaweza kununua oven ndogo ya bei ya chini kwa ajili ya kuokea pizza .
Hivyo tukiondoa oven ,mahitaji mengine yote kwa kuanzia hayazidi shilingi elfu 30 au chini zaidi ya hapo
Na uzuri ni kuwa pizza huvimba sana (mkate wake kutokana na hamira) hivyo unga wa ngano kidogo tu hutoa pizza nyingi.
Kitu cha msingi zaidi ni wateja wa uhakika wanaoweza kununua pizza tu.
Na uzingativu wa bei rafiki angalau bei iwe kati ya elfu 5000 kwa kiwango cha chini na ipande kulingana na ubora wa pizza.
Hivyo hata nyumbani unaweza kuanza kuuzia pizza kwa watu wa karibu au kutafuta oda ofisi mbali mbali na mitandaoni.
Biashara Ya Pizza Kwa Wenye Mitaji Mikubwa
Kufanya biashara huku ukiwa na mtaji mzuri ni jambo lenye afya zaidi kwani hutoa uhakika wa ubora wa biashara
Kwahio kama una mtaji mzuri basi ni hatua nzuri zaidi ya kufanya biashara hii kwa ubora na uhakika zaidi,
Kwa maana ya kuwa na eneo maalumu la biashara ya pizza pekee au kuuza pizza na burger kwa pamoja kama biashara moja.
Mtaji mkubwa husaida katika uhakika wa ubora kwenye biashara na hata maandalizi ya uhakika zaidi
Bila kusahau uhakika wa vibali, usajili na hata matangazo ya biashara kwa upana zaidi na kupata faida kubwa.
Hatua za kufuata kwenye biashara hii kwa wenye mitaji mikubwa ni sawa na zile za biashara ya burger tu,
Unaweza kusaoma zaidi kwa kubonyeza link hii ili kujua hatua zote.
Ni vizuri zaidi kufanya biashara ya pizza kwa kuwa na brand maalumu inayo tambulisha biashara yako
Pia kuepuka kuchanganya biashara hii na bidhaa zingine zilizo nje kabisa ya bidhaa au vyakula vya fast food.
Au unaweza kutuma ujumbe wa maandishi kwa njia ya WhatsApp kwa namba +255748029623.
Faida Za Kuwa Na Mtaji Mkubwa Kwenye Biashara Ya Pizza
- Husaidia kwenye matangazo ya uhakika na kufikia wateja wengi
- Husaidia kwenye ununuzi wa vifaa vya kisasa zaidi
- Huongeza ubora wa brand (chapa)
- Huleta wateja wenye pesa na uwezo wa kununua pizza za bei kubwa
- Husaidia ufikiaji wa haraka kwa wateja hasa wale wa oda za mbali (delivery)
Hitimisho
Biashara ya pizza ni biashara nzuri sana kutokana na faida yake hasa kwenye suala la uvimbaji wa mkate na ngano
Pizza hutumia mtaji kidogo na faida zaidi ya mara mbili kutokana na mzunguko wa wateja waliopo na hali zao za kipato
Ili kuweza kuona faida na raha ya biashara hii, lazima uwe sehemu yenye mzunguko mkubwa wa wateja wahitaji.
Sehemu za mjini na maeneo ya wadada wengi au hata wanafunzi wa vyuo na ofisi mbali mbali huweza kuwa sahihi zaidi.
Hivyo kabla ya kuanza uwekezaji ni muhimu kufanya uchunguzi kisha kuchagua sehemu sahihi zaidi ya biashara.
