Kurudisha thamani ya biashara yako

Kurudisha thamani ya biashara

Kurudisha thamani ya biashara inaweza kuwa jambo kubwa au dogo kulingana na changamoto inayopitia biashara iliyo poteza thamani husika.

Kushuka kwa thamani ya biashara ni hali ya biashara kukosa mvuto kwa wateja hivo kuweza kupelekea biashara husika kuanguka kabisa

Kuna sababu nyingi ambazo hupelekea biashara kupoteza thamani yake.

Sababu za biashara kupoteza thamani

1. Kufanya biashara kwa mazoea
2. Kutosikiliza changamoto za wateja
3. Kukosa mtaji wa kutosha
4. Kupoteza ubora wa bidhaa au huduma
5. Kutozingatia mifumo imara ya uendeshaji wa biashara
6. Kukosa usimamizi sahihi
7. Kutokuwa na malengo ya muda mrefu efu ya biashara
8. Kukua kwa keknolojia
9. Ushindani wa bia zingine
10. Kuukosa ubunifu

Kufanya biashara kwa mazoea

Wafanya biashara wengi wamejikuta katika kundi hili la mazoea

Baada ya kupata uhakika wa wateja wengi huanza kuona kama tayari ameshawamiliki wateja na hawawezi kwenda sehemu nyingine

Hii hupelekea kutozingatia mambo mengi hasa madogo madogo katika biashara yake

Mfano rahisi kauli za mazoea kwa wateja kwakua tayari ameshajenga ukaribu wa kupindukia

Au kutomuhudumia mteja kwa heshima na utaratibu unaotakiwa

Badala yake kumuona mteja kama sehemu ya biashara yenyewe.

Kutosikiliza changamoto za wateja

Wateja kila mara hupata changamoto na kutamani zifanyiwe marekebisho

Lakini baadhi ya wafanyabiashara huzarau na kuona kama wateja ni wasumbufu!

Hali hii hupelekea wateja kuchoka na kuamua kutafuta sehemu wanayo weza kupata huduma na bidhaa kwa kiwango wanachotaka.

Kukosa mtaji wa kutosha

Kuna muda biashara zinataka maboresho ya mara kwa mara

Kulingana na mabadiliko ya kasi ya maisha ya kila siku

Lazima mfanyabiasha awe na pesa zakumuwezesha kuendana na kasi ya bidhaa na huduma yake katika soko

Hivo pesa zinapokuwa za shida hata biashara hukosa mvuto na kushuka thamani yake

Mfano  pesa za matangazo, mara nyingi ili mteja aweze kuipa bidhaa au huduma thamani lazima aione au kuisikia mara kwa mara

Kuna bidhaa nyingi hazina ubora mkubwa ila zinathaminika sokoni kutokana na ubunifu wa matangazo

Kwahio biashara inapokosa kuonekana na kusikika wateja huisahau hata kama ilikuwa nzuri na yenye bora

Vile vile lazima bidhaa au huduma ipatikane bila kukosa sokoni

Unapokuwa na mtaji mdogo hupelekea usambazaji kuzorota

Hivo wateja kukosa kila wanapohitaji na mwisho huamua kubadili machaguo na kupeleka biashara yako kushuka thamani.

Ukosefu wa ubunifu

Kila biashara inataka ubunifu wa hali juu kila mara ili kukuza na kutunza chapa yake (branding)

Kwahio lazima mfanyabiashara husika awe mbunifu na kujua wateja wanataka nini ili kuboresha thamani ya huduma au bidhaa

Mfanyabiashara akiwa hana ubunifu basi lazima biashara ikose mvuto wake

Ubunifu sio lazima uwe mkubwa sana bali hata kwenye mambo madogo madogo tu

Mfano namna ya kupokea mteja, au hata kuongeza kitu kidogo katika bidhaa na huduma unayotoa.

Kupoteza ubora wa huduma au bidhaa

Mfano mwanzoni ulikuwa unatoa vitu bora sana

Labda bidhaa zinatatua changamoto za wateja moja kwa moja au hata zinadumu muda mrefu

Baada ya kupata soko unaanza kushusha na kupunguza baadhi ya vitu kwa lengo la kubana bajeti yako

Hii ni sababu kubwa ya biashara kupoteza mvuto wake

Lazima uweze kufanya vile vile na hata zaidi ya mwanzo ili kulinda ubora wa bidhaa au huduma yako.

Kutozingatia kanuni bora za biashara

Hapa sasa ndio wengi hukwama zaidi

Yani hawataki kabisa kujifunza na kufanya vitu katika ubora

Kuanzia ngazi ya uzalishaji, uchuuzi, masoko, hata mfumo mzima wa uendeshaji biashara

Ukiwa na nia ya kufanya biashara yako kwa kiwango cha juu basi kubali kujifunza na zingatia kanuni sahihi za uendeshaji wa biashara.

Kukosa usimamizi sahihi

Hasa kwa wale ambao hawana muda wa kusimamia biashara zao

Watu wengi wanaoajiriwa hukosa uchungu Sawa na alionao yule muhusika mkuu wa biashara

Hivyo vitu vingi hukosa kabisa usimamizi mzuri na kupeleka biashara kuyumba

Na mwisho wa siku kupoteza mvuto kwa kushuka thamani kabisa.

Kutokuwa na malengo ya muda mrefu ya biashara

Asilimia kubwa ya biashara zinazopoteza thamani kwa kukosa malengo ya muda mrefu

Yani wengi huangalia malengo mafupi hivo kukosa nguvu ya kuwekeza zaidi katika biashara

Muhusika akiwa na malengo ya kuwekeza miaka mingi katika anacho kufanya

Itamlizimu kuwaza mipango mikubwa na atahakikisha anafanya kila anacho weza kulinda biashara yake

Hii huambataka na uboreshaji wa mara kwa mara wa bidhaa au huduma yake

Usimamizi imara na hata kujifunza vitu vipya kila siku

Ikiwa kinyume na hapo basi muhusika hatoweza kwenda Sawa na malengo makubwa ya biashara

Itampelekea kufanya vitu bila kuzingatia mambo mengi na mwisho wa siku atapoteza thamani ya biashara yake.

Kukua kwa Teknolojia

Kila siku mabadiliko makubwa ya Teknolojia yana tokea

Hii imefanya biashara nyingi kupata upinzani mkubwa kutoka katika ubunifu rahisi na wa haraka kupitia Teknolojia

Na kufanya baadhi ya biashara kukosa thamani tena sokoni.

Ushindani wa biashara zingine

Mara kwa mara hutokea watu wanaoanzisha biashara inayotoa huduma au bidhaa zenye kufanana

Na kusababisha ushindani mkubwa sokoni

Hivyo mteja kupata machaguo mengi kulingana na uhitaji wake

Hali hii husababisha baadhi ya wafanya biashara hasa waliotangulia, kupata wakati mgumu sana kuendesha biashara zao

Maana watu wanaokuja baadae huja wakiwa wamejipanga na tayari wameona pengo katika soko husika

Kwahio hujiandaa kuziba mapengo yote kwa haraka mno kuliko watangulizi.

Madhara ya kupoteza thamani ya biashara

Kuna madhara makubwa ya aina mbili

1.Biashara kupitia changamoto ya soko

2 biashara kuanguka kabisa

Biashara kupitia changamoto ya soko

Hapa ndio kuna zile biashara nyingi ambazo zilivuma sana awali lakini baada ya muda zinapoteza thamani na ladha yake sokoni

Katika hatua hii mfanyabiashara hujitahidi kufanya mambo mengi kuweka Sawa biashara yake lakini hujikuta hali ni mbaya

Hatua hii inaweza kutatuliwa na biashara kurudi hali ya awali

Na endapo ikishindikana huweza kupelekea biashara kuanguka moja kwa moja.

Biashara kuanguka /kufa

Hapa ndio zile biashara ambazo hushindwa kabisa kuendelea sokoni na hupotea moja kwa moja

Kuna ambao hukubali matokeo na kuamua kubadili aina ya biashara

Na wapo ambao hupumzika kwa muda na kurudia biashara yao upya.

Hatua za kurudisha thamani ya biashara

•  Kubali thamani ya biashara imeshuka
• Fanya thamani ya awali na sasa
• Weka mabadiliko katika vitu vyote vilivyosababisha kushuka kwa thamani
• Jipe muda

Kubali thamani ya biashara imeshuka

Hapa lazima kwanza ukubali uhalisia na sio kulazimisha akili yako kuona kama upo sahihi

Lazima upokee matokeo kwanza ili ikusaidie kufungua akili kupata suluhu

Ukishakubali matokeo husaidia sana kuingia hatua nyingine ya uokoaji.

Fanya tathmini ya awali na sasa

Unatakiwa sasa ujue awali kwanini bidhaa au huduma yako ilipendwa sana na kwanini sasa huna tena wateja

Unapaswa kuchimba kwa undani makosa yote uliyofanya bila kujidanganya

Ainisha kila jambo na lichunguze hata kama ni kosa dogo

Hapa unapaswa kujiuliza maswali yafuatayo,

• Chunguza mwanzo ulikuwa unafanya nini
• Kwa sasa unafanya nini
• Kwanini uliacha kufanya ulichokuwa unafanya mwanzo
• Malengo yako ya biashara ni yapi?
• Unaamini ukifanya nini utarudisha biashara yako Sawa kama awali?

Ukijiuliza maswali kama hayo yatakupa mwanga wa nini unapaswa kufanya

Weka mabadiliko katika vitu vyote vilivyosababisha kushuka kwa thamani ya biashara

Ukishapata majibu yako yote kwa uwazi ni wakati sasa wa kuanza mikakati mpya

Badili kila kitu bila kutumia nguvu bali akili

Maana katika wakati kama huu hufanya wafanyabiashara wengi kuchukua maamuzi yasiyo sahihi na kujikuta wakijiumiza zaidi kwa kukurupa au kutaka mambo yaende haraka

Hupaswi kutumia nguvu wala kulazimisha kuweka mambo Sawa mapema

Bali tumia zaidi akili upate maamuzi ya busara

Kikubwa zingatia mabadiliko, fanya kama ulivyokuwa unafanya mwanzoni wakati unaanza na wakati wateja wanakupenda zaidi

Rudisha mambo taratibu tu Ila kwa uhakika.

Jipe muda

Baada ya kurudisha mambo kama awali sasa jipe muda

Kumbuka umeshasahaulika sokoni na wengi hawaamini tena katika bidhaa wala huduma yako

Wateja tayari wana nunua na wanamachaguo sehemu nyingine

Hivo inataka muda wakutosha waweze kurudi kwako!

Kuna muda wanaweza wasirudi kama kule wanapata kilichobora zaidi ya walichokuwa wanapata kwako

Tayari ulitoa mwanya wa wateja kutafuta machaguo mengine

Hivo unapaswa kuwa na uvumilivu ili waweze kurudi tena.

Njia mbalimbali zinazoweza kusaidia kurudisha thamani ya biashara yako

Ubunifu

Zingatia ubunifu mpya kila siku na usiwe mvivu wa kuwaza mambo mapya

Jifunze mara kwa mara ujue biashara yako inataka nini na kipi ufanye au kipi usifanye

Elimu haina mwisho hivyo lazima kila siku tumia muda mchache kujifunza mambo mapya kuhusu biashara yako

Itakusaidia kuwa mbunifu zaidi.

Weka malengo ya muda mrefu

Jitahidi ufanye biashara za malengo marefu

Ili uweze kuwekeza na kupata matokeo bora

Achana na biashara zisizo na uhai mrefu

Yani usifanye biashara kwa lengo la kutimiza malengo binafsi

Ila iwe ile ambayo utailea, utaitunza na kuzeeka nayo

Hii husaidia sana kuongeza umakini kwa lengo la kulinda chapa ile ile miaka yote.

Punguza au Acha kufanya biashara kwa mazoea

Siku zote heshimu biashara na wateja

Hata kama ni mteja wa kudumu au umemzoea sana na pengine hata ni rafiki au ndugu yako

Mpatie huduma kama vile umemuona kwa mara ya kwanza

Mpe thamani yake na heshima kama mteja mpya

Yani kama vile ungetamani arudi kwako miaka yote na asifikirie kabisa kutafuta chaguo lingine.

Ongeza ubora

Kwenye bidhaa au huduma unayotoa

Hapa kama shida ilikuwa mtaji tafuta mbinu ya haraka kutatua changamoto hio

Unaweza kukopa pesa kwa watu wa karibu, taasisi hata kuuza Mali yako ambayo haitumiki kwa wakati huo

Tafuta chaguo sahihi ili kulinda chapa yako

Usiogope kupoteza pesa ! Ogopa kupoteza wateja

Ubora huwa chanzo kikubwa zaidi cha kupoteza thamani ya biashara.

Badili jina au chapa ya biashara

Kwakua tayari wateja hawaoni tena thamani ya biashara yako

Unaweza kujikuta unatumia nguvu na gharama lakini bado wasiamini na kurudi

Hivyo badili jina, chapa, na mfumo mzima wa biashara ikibidi hama kabisa eneo la awali

Itafanya wateja kujua ni biashara mpya kabisa na waanza upya kuifikiria.

Hitimisho na mambo ya kuzingatia kulinda thamani ya biashara

1. Sikiliza wateja na tatua shida zao
2. Sikiliza wafanyakazi na wape nafasi ya kutoa maoni
3. Zingatia ubora wa biashara kabla ya faida
4. Fanya biashara ya malengo marefu
5. Fanya matangazo mengi kila wakati
6. Jifunze vitu vipya
7. Tumia teknolojia kukusaidia katika biashara
8. Epuka kuamini sana watu katika kusimamia biashara
9. Fanya tathmini za mara kwa mara ili kuziba changamoto mapema
10. Epuka tamaa na mafanikio ya haraka
11. Kuwa mvumilivu katika kupata mafanikio na usitake faida za haraka.