Wazo La Biashara Ya Usafi Wa Ofisini

Utangulizi

Usafi wa ofisini kama ilivyo Biashara ya usafi wa nyumba hazina utofauti mkubwa sana katika namna ya kuanza na kuendesha

Wakati mwingine unaweza kuendesha biashara ya usafi wa ofisini na usafi wa nyumba kwa pamoja kama kampuni moja

Biashara hii unaweza kuanza kufanya ukiwa huna mtaji kabisa, ukiwa na mtaji mdogo , mtaji wa kati na hata mtaji mkubwa

Kila kiwango cha mtaji kitakufanya uanze kwa namna ya tofauti kidogo katika uendeshaji wa biashara yako

Pia inategemea na aina ya vifaa unavyotaka kutumia mfano kuna vifaa vya kisasa na vile vya kawaida

Inapendekezwa kutumia vifaa vya kisasa kwa sababu ofisi ni jengo la biashara na linapaswa kuwa nadhibu na kuvutia muda wote

Vile vile baadhi ya majengo huwa maukubwa na marefu bila vifaa vya kisasa itakuwa ugumu kufikia baadhi ya maeneo

Usafi wa ofisini maana yake kusafisha mazingira yote yanayoizungua ofisi ndani na nje pamoja na thamani zilizomo ndani yake.

Usafi wa ofisi umejumuisha ofisi ndogo , kubwa, hoteli, nyumba za kulala wageni , hospitali na majengo yote ambayo hayahusiani na nyumba za kuishi

Aina Za Usafi Wa Ofisini

Kama ilivyo usafi wa nyumba pia kwenye usafi wa ofisi unaweza kugawanywa katika makundi matatu

• Usafi wa kawaida ambao unahusishwa kusafisha sehemu za ofisi zinazoonekana
• Usafi wa ndani huu maana yake kusafisha ofisi kwa kuzingatia sehemu zinazoonekana na zisizoonekana
• Usafi wa maalumu ambapo uchaguzi wa kusafisha kitu cha aina moja pekee hufanyika mfano vioo tu

Usafi wa ofisi unaweza kwenda mbali zaidi na kuhusisha Upigaji wa dawa za kuua wadudu na usafishaji wa bustani

Ijapokuwa kuua wadudu na kutunza au kusafisha bustani zinaweza kuwa huduma na biashara zinazojitegemea.

Usafi Wa Ofisini Umejumuisha Vitu Gani?

Unaposema usafi wa ofisi maana yake unahusika katika kusafisha maeneo kama

• Sakafu , ardhi na Tiles
• Vioo na madirisha
• kuta za ofisi
• Vyoo
• Masinki
• thamani zake kama viti, meza makabati
• Paa za ofisi NK

Hizo ni baadhi ya sehemu ambazo zinahusika kusafishwa na nyingine zote kuzunguka eneo lote la jengo ndani na nje.

Vifaa Vinavyohitajika Kwenye Biashara Ya Usafi Wa Ofisini

Vifaa vipo vingi sana lakini unaweza kuanza na vile vya muhimu zaidi kwanza maana sio vyote vitatakiwa awali

Ukizingatia soko na tenda kubwa zinaweza chukua muda mrefu kidogo kuanza kwahio usiumize kichwa kutaka kila kifaa awali

Hata kama una mtaji mkubwa sana.

• Fagio
• Mashine za ufyonza vumbi
• Mopu
• Ndoo
• Dawa za usafi
• Sabuni
• Mataulo na vitambaa vya kufutia
• Usafiri wa gari
• Matoroli ya ubebea vifaa vya usafi
• Sponji
• Gloves
• Kemikali za usafi
• Brashi za kusugulia
• Mifuko ya uchafu
• Sare za wafanyakazi

Na vifaa vingine vingi kulingana na mahitaji au mtaji wa muhusika mwenyewe

Namna Ya Kuanza Biashara Ya usafi Wa Ofisini Kama Huna Mtaji

Endapo huna mtaji kabisa wa kuanzia yani chukulia huna pesa yoyote na una wazo la kuwa na kampuni ya usafi

Hii haina tofauti na anaeanza usafi wa nyumba na hana mtaji, soma kwa kubonyeza link hii zaidi kujua namna ya kufanya biashara ya usafi wa nyumbani

Hivyo naamini kuwa hakuna kinacho shindikina ikiwa una nia ya dhati, moyo wa kujituma na malengo makubwa

Usiogope kuanzia chini wala usione aibu kuonekana dhalili mbele za watu kumbuka jukumu la kubadili maisha ni lako mwenyewe

Hao unao waonea aibu leo hawatakuwa na msaada kwa chochote kwako baadae, ni bora ujaribu ushindwe kuliko kuacha kujaribu kabisa,

Hatua Za Kufuata Kama Huna Mtaji

• Weka malengo ya bishara yako na andika mpango wa biashara vile unataka iwe baadae , usiogope andika kila kitu hata kama kinagharimu mamilioni bila kusahau matarajio yako na mbinu za uendeshaji
• Fanya uchunguzi wa ofisi ndogo zilizo mtaani kwako kwanza , zinaweza kuwa nyumba za kulala wageni, ofisi za mtendaji,vyama vya ukopeshaji,na nyingine yoyote ndogo ya mtaa wako au jirani
• Andaa chapa yako ikiwa ni pamoja na jina la biashara utakalotumia usiogope kabisa kuchagua jina
• Weka nia na dhamiria kwa dhati kutoka moyoni
• Kama una pesa angalau Elfu 15000 Tengeneza kadi za biashara ( business cards) ili iwe rahisi kugawa kwa wateja wakupate haraka
• Kama una simu ya kisasa ( smartphone) fungua kurasa za mitandao ya kijamii kama facebook na jitangaze kwa kuweka mambo ya usafi
• Anza na ofisi ndogo kwakuwa huna vifaa kabisa maana mara nyingi ofisi ndogo huwa na vifaa vyao vya kawaida na hazihitaji vifaa vya kisasa
• Ongea nao na kuwa muwazi hapa sasa unapaswa kujifunza namna ya kushawishi na kuteka hisia za watu kwa maelezo yako
• Ukipata tenda kubaliana nao kwa bei punguzo kwa kipindi cha muda fulani kwakuwa watakupa vifaa vyao
• Anza kazi kwa kujituma na uamifu mzuri bila kusahau ubunifu wa hali ya juu sana kumbuka ndio silaha yako
• Endelea kutafuta tenda mpya kwenye ofisi ndogo ndogo , ukipata zaidi tafuta mwenzako na mshirikiane kisha endelea kuongeza idada ya wafanyakazi huku unajitoa taratibu
• Nunua vifaa kwa kila faida unayopata na simama katika lengo lako la awali usitumie pesa vibaya hata kama unaona ndogo
• Sajili biashara ,tafuta vibali na fungua ofisi iliyo ndani ya uwezo wako baada ya kuona unaweza na hatua umepiga yakutosha.

Ondoa Vikwazo Ndani Ya Akili

Haya mambo sio rahisi wala magumu kama utaamua kutoka moyoni , inaweza chukua muda mrefu au mfupi kuanza kuona mafanikio

Kitu cha kuzingatia ni kufanya kwa ubora na matumizi sahihi ya kufikiri, ondoa vikwazo katika akili yako na waza mambo chanya.

Kuanza kwa hatua ndogo ni bora kuliko kukaa na kusubiri, muda haumngoji mtu.

Jinsi Ya Kuanzisha Kampuni Ya Usafi Kwa Wenye Mitaji

Kama ilivyo katika kampuni ya usafi wa nyumbani hii pia haitofautiani sana , pia unaweza kufanya biashara zote mbili ndani ya kampuni moja

Hitimisho

Biashara ya usafi wa ofisi inaweza kuwa na changamoto kadhaa hasa katika

• Uaminifu wa wafanyakazi maana wengi hukumbwa na tamaa ya kuiba vitu vya wateja hivyo hakikisha una ajiri wafanyakazi kwa kuzingatia dhamana zao
• Ucheleweshwaji wa malipo hasa katika tenda kubwa unapaswa kuwa na jitihada za pembeni na sio kutegemea malipo yaendeshe biashara kwa wakati
• Ushindani kutoka kampuni zingine, hapa zingatia ubunifu wa hali ya juu sana na tafuta udhaifu wa washindani wako.