Namna Unavyoweza kuacha tabia mbaya 

Kuacha tabia mbaya imekuwa jambo gumu na changamoto kubwa kwa watu wengi

Kila mmoja wetu ana tabia yake mbaya ambayo imekuwa kama mazoea, anatamani kuacha ila anashindwa kabisa

Tabia mbaya inaweza kuwa inayojulikana au ile ya siri, inaweza kuwa inachukiwa  na ndugu, familia, marafiki au hata jamii nzima

Lakini pia huenda wewe mwenyewe unaichukia hio tabia Ila changamoto ipo katika kuiacha moja kwa moja

Kuna muda unaweza kuacha kwa kipindi fulani ila baada ya siku, wiki au mwezi unajikuta unarudia tabia ile ile

Mfano tabia ya ulevi, tabia ya uasherati,  kugombana na watu, tabia ya wizi, punyeto, hasira na kisirani pamoja na tabia nyingine nyingi

Tabia hizo zinaweza kuwa na athari mbali mbali kama kiafya, kiuchumi, kikazi, kifamilia na athari nyingine

Ambazo huweza kuchochea mambo mengi mabaya na yenye majuto makubwa katika maisha yako moja kwa moja au jamii kwa ujumla

Zifuatazo ni baadhi ya mbinu unazoweza kutumia kuacha tabia unayoichukia sana na kuwa mtu mpya

• Jua chanzo cha tabia yako mbaya
• Orodhesha hasara (madhara) ya tabia mbaya usiyotaka na faida za tabia nzuri unayotaka
• Tafuta mbadala wa tabia yako mbaya
• Badili mazingira ya tabia yako mbaya  usiyoipenda weka uzito na ugumu wa kufanya tabia mbaya na weka mazingira mepesi ya kuvutia ya tabia nzuri  mpya
• Dhamiria na kuwa na imani
• Badilika kidogo kidogo
• Usimwambie mtu wala kutangaza mabadiliko yako
• Jipe muda na usirudi nyuma

Jua chanzo cha tabia yako mbaya

Kabla hujaanza kutafuta namna ya kubadilika, anza kutafuta chanzo cha tabia uliyonayo, siku zote kujua chanzo cha tatizo ni nusu ya tiba ya tatizo lenyewe

Mfano tabia ya ulevi kila unapojaribu kuacha unagundua kuwa kuna rafiki zako hukushawishi kwa namna mbali mbali

Na kujikuta unarudia, au pengine unaishi karibu na maeneo ya bar na hizo sehemu wanazouza vilevi

Au mfano mwingine tabia ya kutumia pesa vibaya na kukosa akiba chanzo utagundua labda unatembea na pesa nyingi mfukoni

Hivyo kushawishika kununua kila unachokutana nacho njiani

Hata kwa tabia nyingine yoyote tafuta chanzo chake na usijiongopee kabisa kuwa muwazi na moyo wako ufunguke kabisa

Kisha andika vyanzo vyote kwenye karatasi na jihakikishie hujaacha kitu

Orodhesha(madhara) ya tabia mbaya usiyotaka na faida za tabia nzuri

Fanya kwa uwazi kabisa wala usijidanganye, andika ni mara ngapi umepata hasara kutokana na tabia yako mbaya unayoichukia

Hata kama bado hujapata madhara ya moja kwa moja

Angalia mifano ya watu waliopata hayo madhara na andika yote mfano tabia ya uzinzi na uasherati mwisho wake ni maradhi ya kudumu kama HIV

Tabia ya udangaji mwisho wake ni kupigwa, kuuliwa, kudhalilishwa kingono na maradhi mengi yasiyotibika

Pia tabia ya kutumia pesa vibaya mwisho wake ni umasikini

Kisha andika faida za tabia unayotaka kuwa nayo mfano tabia ya kutunza pesa ni kupata mafanikio

Kuacha udangaji ni kuepuka maradhi, tabia ya kuacha punyeto ni kuwa na viungo vya uzazi imara na faida nyingine zile zinazokushawishi kuacha tabia mbaya

Tafuta mbadala wa tabia yako mbaya

Ukishajua chanzo, faida na madhara sasa jiulize unahisi ikiwa utaacha hio tabia, 

Je utafanya kitu gani kingine ambacho hakitakufanya urudie tabia ya awali bila kujiumiza wala kukufanya utamani tabia ya mwanzo? 

Chukulia mfano tabia ya uasherati na punyeto ni kutafuta mwenza mmoja mwenye vigezo unavyopenda wewe  atakae kufanya usihangaike tena

Au tabia ya ulevi unaweza tafuta mbadala wa kunywa aina nyingine ya kinywaji  ambacho hakina kilevi kabisa kama soda au juice

Hivo hivo kwa tabia nyingine zote tafuta mbadala kwanza ili ikusaidie kuacha tabia mbaya ya awali,

Bila kujiumiza wala kuwa na msongo mkubwa wa mawazo na matamanio ya kurudia tabia ile ile

Badili mazingira ya tabia yako mbaya usiyoipenda, weka uzito na ugumu wa kufanya tabia mbaya na weka mazingira mepesi yakuvutia ya tabia nzuri mpya

Hapa sasa kwakuwa ushajua chanzo cha tabia yako mbaya na umeshatafuta mbadala kabisa sasa unatakiwa kubadili mazingira yako

Kama chanzo ilikuwa marafiki  badili ratiba za kuonana na marafiki zako au

Badilisha aina ya marafiki na tafuta  ambao hawafanyi tabia mbaya ulizokuwa unafanya awali

Endapo chanzo kilikuwa kuishi karibu na maeneo wanayouza vilevi  basi hama mtaa kabisa

Na kama huwezi kuhama tafuta Kitu cha kukuweka busy muda wa kufunguliwa bar unapofika

Kama chanzo kilikuwa ukosefu wa pesa za kumudu gharama za maisha na kukupelekea kuwa mdangaji au mwizi,

Utatakiwa kutafuta kazi hata kama ina malipo kidogo tu ili ikufanye ujue thamani ya kutafuta pesa zako za halali na thamani ya kujitegemea

Kwa kadiri utavyoona chanzo cha tatizo lako wewe mwenyewe

Amua kuwa dereva na daktari unaepaswa kujitibu kwa dawa zako mwenyewe katika kubadilika

Dhamiria kuacha tabia mbaya na kuwa na imani ya tabia nzuri 

Katika hatua hii sasa weka nia ya dhati na amini inawezekana kuwa vile unavyotamani

Jenga picha ya kuwa tayari umeshakuwa na tabia unayotaka, ingia ndani ya akili yako na jione kama vile wewe  sio mlevi tena, sio mdangaji tena, sio mwizi tena, sio mgomvi tena nk

Fikira namna utakavyokuwa na furaha pamoja na jamii inayokuzunguka baada ya kuwa na tabia mpya

Badilika kidogo kidogo

Siku zote ukitaka kuona jambo ni rahisi basi lifanye kwa hatua ndogo ndogo,

Usiwe na haraka wala usitake mabadiliko ya ghafla bali jipe muda maana ni ngumu sana kubadili kitu ulichokizoea zamani, lakini ukiamua unaweza

Kwahio fanya hatua ndogo ndogo kila siku mfano, 

Punguza kuonana na marafiki, punguza mawasiliano na mashoga zako wanaokufanya ukadange nk

kunywa juice mara kwa mara japokuwa mwanzoni utaona kazi sana lakini kadiri siku zinavyozidi kwenda utaanza kuzoea na kufurahia juice badala ya pombe 

Fanya hivo kwa tabia nyingine yoyote weka mabadiliko ya mbadala wako kidogo  kidogo na usitumie nguvu kubwa sana kuondoa chanzo cha awali kwani itakufanya uone kama adhabu

Usimwambie mtu wala kutangaza mabadiliko yako

Acha watu wenyewe waone mabadiliko, kamwe usiseme kuwa sasa nataka kubadilika Ila onesha kwa vitendo pekee

Kama ukiitwa mahala kunywa pombe badala ya kusema nataka kuacha pombe sema mimi situmii pombe

Ukiitwa mahala kudanga badala ya kusema nimeacha kudanga sema mimi sio mdangaji

Kadiri watu watakavyokupa uhusika wa tabia yako usiyotaka kamwe usimeme nataka kuacha ila sema sijawahi kuwa hivo 

Hii itakufanya moyoni ujione mtu mwingine na itakuwa kama ahadi ndani ya moyo wako

Na itawafanya wanaokuzunguka (jamii) kuanza kukutasfiri kwa namna unayotaka na kuacha kukuhusisha katika tabia mbaya za awali, Acha vitendo viongee

Jipe muda na usirudi nyuma

Hakuna mabadiliko ya ghafla, unapaswa kuwa mvumilivu na Kutokukata tamaa

Jipe muda kuzoea mabadiliko mapya na kama ukiona unashindwa kubadilika ni kawaida sana kurudia jambo usilolitaka mara kwa mara Ila,

Kadiri unavyojisahihisha na kujipa mazoea mapya ndivyo utajikuta unabadilika kidogo kidogo mpaka kuacha kabisa

Kila unapotaka kurudia tabia mbaya fikiria hasara  zake kwa ukubwa na jiambie kama sitoacha hii tabia basi nitaishia kupata hasara zile zile

Jiambie na jione namna unapata hizo hasara kila mara unapohisi kurudia tabia ya awali na mwisho wa siku utajikuta umebadilika kabisa

Hitimisho

 kuna watu wengi sana ambao walikuwa na tabia mbaya mno ambazo ziliwapa athari kubwa katika maisha yao

Ila waliamua kubadilika kabisa na sasa wanafanya mambo mzuri na makubwa Katika Jamii

Asitokee mtu akakuambia kuwa haiwezekani na usikubali kuamini kuwa huwezi, amini kila jambo lipo ndani yako na unaweza kuwa vile unataka. 

kusahau Mambo ya nyuma.