Utangulizi

Uoga na hofu ni maadui wakubwa wawili kwenye maisha ya watu wengi Duniani kwenye mambo ya maendeleo

Asilimia kubwa sana ya watu wamekwama kupiga hatua za maisha yao sababu ya hofu na uoga uliopindukia

Watu wengi wana vitu vikubwa ndani yao, maono makubwa sana na hata malengo na ndoto nyingi ila wameshindwa kabisa utekelezaji,

Sio kwa sababu hawataki bali chanzo kikubwa ni uoga na hofu kupindukia huwarudisha nyuma mara kwa mara

Kuna wengi sana wamekufa wakiwa hawajafanya chohote kabisa cha tofauti Duniani wala kuacha kumbukumbu yoyote inayoishi

Lakini walikuwa na uwezo wa kufanya hivyo kupitia kusudi ambalo Mungu aliwaumba nalo toka walipo zaliwa,

Uoga na hofu ya kushindwa na kuchekwa imekuwa chanzo cha wengi kurudi nyuma kila wanapopata wito ndani yao

Wengi huogopa vitu ambavyo kiuhalisia havipo wala havina uwezekano wa kutokea mbeleni kabisa

Na hata vikitokea bado huwa havina madhara katika kiwango kama muhusika anavyoona ndani ya akili yake.

Asilimia kubwa hujiwekea vikwazo kwa kujenga taswira ya majibu ambayo hayapo kwenye uhalisia kabisa

Hali ambayo hupeleka ubongo kuzalisha mawazo mengi mabaya ambayo huongeza hali ya kumtisha mtu zaidi.

Vitu vyote vinavyoogopwa huwa haviji katika kiwango sawa na kile inavyodhaniwa kwa mara ya kwanza.

Baada ya kushinda hali ya uoga ndio wengi hugundua kuwa mambo ni mepesi kuliko walivyo dhani awali

Na hapo ndio hujiona walikosea sana kuogopa hata mambo mengine ya nyuma ambayo waliyakimbia.

Wakati mwingine wengi huogopa kutokana na uzoefu wa mambo waliyo kutana nayo zamani na kuhisi watapitia tena mambo yale yale.

Uoga Na Hofu Ni Kama Nafsi

Nafsi ambayo pindi tu inapoingia ndani ya mtu ,humjengea hali ya kutojiamini na kujiona dhaifu mbele za wengine

Humfanya mtu ajione mdogo na asiye jiweza kufanya chochote kama wengine walio tangulia kabla yake

Humpa mtu mtetemo wa kujishusha hata kujidogosha mara kwa mara kila anapofikiria kufanya jambo

Lakini pia uoga na hofu vikiingia ndani ya mtu hubadilisha fikra zote chanya na kumfanya awaze vikwazo na changamoto ngumu tu

Hupelekea mtu kujihisi kama hana kitu maalumu ndani yake na ameumbwa kuwa msindikizaji kwa wengine

Vile vile huwa chanzo cha wengi kusema hapana na kuishiwa fikra na mawazo mapya kwenye jambo lililo ndani ya uwezo wao.

Hawa maadui wawili yani uoga na hofu wakimshika mtu huweza hata kufanya madhara makubwa ya kujidhuru au

Kupoteza haki za msingi za mtu ambazo alipaswa azipiganie au aseme neno moja tu ili kuzipata haki zake

Kwahio nafsi ya uoga na hofu pia ikimvaa mtu ni chanzo kikubwa sana cha kurudi nyuma kimaendeleo kwakuwa,

Mtu hujenga hali ya kuhisi kuchekwa au kubezwa kama hatofanikisha kitu fulani anachotaka kufanya au kutenda .

Binaadamu Ni Kiumbe Kinachotisha Sana

Hakuna kiumbe chenye nguvu ,kinachotisha, katili na chenye uwezo mkubwa kama Binaadamu punde tu anapoamua

Binaadamu anapoamua kubadilika huwa kiumbe katili, hatari sana na kinachoweza kutisha sana kuliko kawaida

Hali ya uwezo wa kutisha hujificha kwenye nafsi ya uoga pale mtu anapoamua kuvaa hofu na uoga ndani yake

Hakuna mtu asiyeweza kufanya kitu chochote anachotaka ndani ya uwezo wake binafsi alionao

Wala hakuna mtu asiyeweza kuwa vile anavyotaka na anavyojiona ndani yake wakati wowote kwa nguvu zake mwenyewe

Ila Pindi anapovaa vazi na nafsi ya uoga ,kila nguvu na uwezo alionao hutoweka mara moja na kumuacha akiwa kiumbe dhaifu.

Hata mtoto mdogo au mtu mzima mpole sana siku akiamua kubadilika na kuonesha uwezo wake wa ndani HUOGOPWA sana

Unaweza kumuonea mtu anapoamua kuwa mpole na mkimya, ila pindi tu akiamua kubadilika kidogo hata kimaongezi tu unaweza kukimbia haraka

Hivyo basi ndani ya kila binaadamu kuna nafsi ya kutisha imejificha na kama uoga ukivuliwa na kuvaliwa ujasiri basi nafsi hio hujitokeza

Maana yake ni kuwa nafsi ya uoga na hofu kamwe havikai pamoja na nafsi ya kujiamini na kutisha au ujasiri

Lazima kimoja kiondoke ili kupisha kingine kiweze kutawala , mstari wa uoga na ujasiri ni mwembamba sana na hapo ndio ushindi ulipo.

Uwezo Na Nguvu Za Binaadamu Ni Mkubwa Kama Ulivyo Uwezo Wa Mungu

Hata katika vitabu vya Dini ,Mungu anasema alimuumba “Binaadamu kwa mfano wake“

Kila mmoja anafahamu uwezo na nguvu za Mungu zilivyo kuanzia kwenye uumbaji mpaka kwenye uendeshaji wa Dunia

Sasa Mungu mwenyewe amethibitisha kuwa hata binadamu ana uwezo sawa na yeye kwa asilimia kubwa

Akiwa na maana kuwa akili na uwezo wa mwanaadamu unaweza kufanya jambo lolote pasi na mashaka yoyote

Yaani binaadamu amejitosheleza ndani yake na hahitaji msaada mwingine ili kufanya muujiza au kuwa vile anataka kuwa.

Ajabu ni kubwa wanaadamu hawa hawa waliopewa nguvu na Mungu wao bado tena hukesha nyumba za Ibada kuomba msaada mwingine kwa Mungu!

Hakuna kitu cha ziada zaidi ya kuabudu na kumtukuza Mungu ,ila uwezo wote tayari upo ndani ya kila mmoja

Mara tu mtu azaliwapo tayari huwa na kila kitu kilicho kamilika ndani yake na hubaki juu ya yeye kuvitumia tu.

Onesha Makucha Yako

Kauli hii sio kauli ngeni kwenye maisha ya kila siku, ila ina maana kubwa sana zaidi ya uhalisia wake

Haimaanishi kucha za vidole kama inavyosema bali kucha za hapa zinasimama kama neno ujasiri wa mtu,

Kama unataka kuwa jasiri na kutoa kabisa uoga ulionao ,unapaswa pia kuonesha makucha uliyo nayo

Wengi sana huficha makucha yao hata pale ambapo hapastahili kufichwa na kuacha wengine kutalawa himaya zao

Haina maana kuwa mkatili na gaidi kwa watu hata pasipo na sababu bali inapaswa kuwa jasiri na mwenye nguvu ili kuondoa hali ya kuogopa

Makucha yanapaswa kuwa makali na marefu zaidi ili kufanya wengine kuogopa na kutochukua haki yako

Ujaisiri ndio makucha yenyewe na kadiri ujasiri unapokuwa mkubwa ndio hofu na uoga hutoweka na kwenda mbali zaidi.

Uoga Unazuia Haki Yako Ya Kuishi

Haijalishi utakuwa mzuri au bora kiasi gani ,Elewa kuwa muda wa kufa ukifika utakufa tu muda na wakati wowote

Uwe tajiri au masikini sana pia sio sababu ya kuzuia kifo chako kwakuwa kifo ni ahadi ya kila mmoja kwa Muumba wake

Uwe na Elimu kubwa ua madaraka makubwa sana pia sio sababu ya kuishi milele kamwe wala kubaki Duniani

Hata uwe mwema sana au muovu sana bila kusahahu kufanya ibada sana na kukesha nyumba za ibada bado kifo kipo tu.

Kifo hakiepukiki kwa kiumbe hai chochote kile , ni suala la muda wa kutangulia ndio umetofautiana kati ya kiumbe na kiumbe

Kwahio kama kifo ni lazima kwa watu wote na haihitaji jitihada za lazima kukifikia bali muda sahihi tu,

“Basi kuishi ni haki ya kila kiumbe hai “

Kuishi Ni Haki Ya Kila Mmoja

Sio kuishi tu kama msindikizaji bali neno kuishi maana yake kuyaishi kwa usahihi maisha na kufanya kila kinachopaswa kufanywa

Kwa nguvu na uwezo mkubwa aliopewa mtu kutoka kwa Muumba wake kama yalivyokuwa matarajio ya Muumbaji

Mungu hakuumba mtu kwa uwezo mkubwa kisha mtu huyo aje kuzurura Duniani kisha KUFA, hayo sio mapenzi ya Mungu

Bali wote wameumbwa kwa kusudi maalumu au dhamira maalumu ya kufanya ndani ya Dunia kupitia nguvu na uwezo walionao

Kuishi ni neno lenye maana pana sana na ni zaidi ya kuvuta hewa ya OKSIJENI au kupumua kama ilivyo zoeleka

Kila mmoja anapaswa kutumia maisha yake kufanya jambo ambalo litaacha alama kwa vizazi vijavyo

Haipaswi mtu kuja kutumia Rasilimali za Mungu bure kisha kufa bila mchango wowote ule Duniani hata kama ni mchango mdogo.

Lazima uishi kwa sababu kuna siku utakufa tu na hakuna sababu za kuogopa hilo kamwe maana ni agano.

Haipaswi kumuogopa Yoyote

Hakuna sababu za kuogopa mtu au kitu chohote kile kilichoumbwa kama ulivyo umbwa wewe zaidi ya Mungu pekee

Heshima ni muhimu kwa watu wote bila kujali umri wao ila kuwaogopa ni kosa kubwa sana haijalishi uwezo wao

Hata awe na pesa au mafanikio makubwa kiasi gani kamwe usiogope mtu yoyote bila kujali umri au cheo chake

Wakuogopwa ni Mungu pekee yake na wote waliobaki wanapaswa kuheshimiwa tu.

Njia Za kuondoa Uoga na Hofu

• Njia ya kukabiliana na uoga uso kwa uso kwa nguvu ya macho , Mtu hupaswa kutokimbia uoga wake iwe mazingira au kiumbe chochote. Kila hali ya kuogopa inapokuja hupaswa kuikabili ana kwa ana
• Njia ya kioo yani kusimama mbele ya kioo na kujiangalia kwa muda mrefu wakati huo huo kuongea maneno ya kujengea hali ya kujiamini bila kujali ukweli uliopo, kiio kina nguvu ya kubadili tatizo na kuweka sawa saikolojia ya mtu yoyote
• Kubadili fikra za uoga mara kwa mara, kila hali ya uoga inapokuja kwenye akili hupaswa kubadilishwa wakati huo huo kwa kujiongelea maneno tofauti na namna akili inavyo ongea
• Kufanya tahajudi mara kwa mara , ni njia yenye msaada mkubwa sana kwa wale wanao sumbuliwa na uoga kwani tahajudi husaidia kuweka akili sawa na kuongeza uwezo wa kufikiri wa mtu
• Kwenda sawa na mazingira, mfano uvaaji sahihi katika muda na eneo sahihi kulingana na aina ya watu ambao hupaswa kujumuika nao
• Mazoezi ya viungo, husaidia kuboresha muonekano na wakati huohuo kuongeza uwezo wa kujiamini na kujikubali kuanzia akilini
• Kusoma mambo mbali mbali yanayogusa maisha ya muhusika moja kwa moja, hii hufanya mtu kuwa na uwanja mpana wa maarifa vile vile huongeza uzoefu
• Kuandika kwenye karatasi mara kwa mara sababu za uoga unao msumbua mtu kila anapohisi hali ya kuogopa
• Kujumuika na watu sahihi mara kwa mara, ambao humfanya mtu ajihisi amekamilika na wale wanaomjali na kumpenda zaidi kuliko watu wanao kosoa mara kwa mara na wenye mawazo hasi.

Hatua Za Kuondoa Uoga Na Hofu

Mambo Mengine Yanayosaidia Kuondoa Uoga Na Hofu

• Kuomba ushauri kwa watu sahihi hasa wale wanaoweza kuona tatizo na kutoa muongozo
• Kukaa mbele kwenye kila jambo, ile kujiweka wa kwanza na mbele kwenye mambo mbali mbali hutoa hali ya hofu
• Kujibu maswali na kuongea mara kwa mara, haifai kuwa mkimya hasa kwenye mambo yanayohitaji mchango na maoni
• Kufanya maandalizi ya kutosha kabla ya kukabiliana na uwasilishwaji au ufanyaji wa jambo fulani
• Kufanya majukumu kwa usahihi , kuanzia majukumu ya kazi ,familia na maisha kwa ujumla
• Kuzijua haki za msingi ili kuwa na uhakika pindi jambo linapoenda tofauti na kuweza kupata nguvu ya kulipambania
• Kutojilinganisha na wengine kwenye mafanikio mbali mbali
• Kuishi kwa wakati uliopo ,sio vizuri kufikiria mambo ya zamani wala mambo ya baadae bali kufurahia maisha kwa wakati huo
• Kupumua kwa nguvu na kunywa maji mengi sana kila hali ya uoga inapojitokeza
• Kufikiria madhara ya uoga na hofu hasa katika mambo ya nyuma ambayo yalikwama kwa sababu ya kuogopa kisha kusema sitaki kurudia makosa
• Kuambatana na kuhudhuria mambo ya kijamii kwenye mkusanyiko wa watu wengi
• Kuweka malengo makubwa na kisha kuchora ramani sahihi ya maisha . NK

Hitimisho Na Mambo Ambayo Hayapaswi Kufanyika Ili Kuondoa Hofu Na Uoga

Kila mmoja huwa na kitu kinacho mtisha kwenye maisha yake haijalishi kwa upande mwingine anaonekana jasiri sana

Ila kuna ule uoga na hofu ambao hupindukia wakati mwingine hata kufanya muhusika kutetemeka kwa uwazi mbele za wengine

Uoga hugusa maeneo mengi sana ya maisha lakini kubwa zaidi ni kwenye mambo ya maendeleo na mafanikio

Kuna ambao huogopa kufanya kitu kisa uoga wa kushindwa , kupata hasara, kukosolewa, kuchekwa ,kusalitiwa na mengineyo.

Wapo ambao hujaribu kutumia vilevi mbali mbali ili kutoa uoga lakini huwa ni njia ya muda mfupi na ina madhara makubwa

Haifai kabisa kutumia aina yoyote ya kilevi au dawa kwa lengo la kuondoa uoga na hofu kabisa hata kwa mara chache

Vile vile haifai kabisa kukimbia tatizo kisa uoga na hofu kwa namna yoyote ile ,hata kama tatizo ni kubwa zaidi

Kulala au kujificha ndani pia sio njia sahihi ya kuondoa uoga bali huweza kuzidisha hali ya hofu zaidi

Haya mambo yanaweza kutatulika kwa kufuata njia sahihi na kuzifanya kwa mazoea na kama sehemu ya maisha ya mtu

Kuwaza sana bila kutenda au kujidhuru sio njia sahihi kabisa ya kupata suluhu kwa anaetaka kuondoa uoga.

#YOU CAN WIN IF YOU WANT